الأحد، 12 يوليو 2015
36000 رسوم جبايات غير قانونية اكتشفها وزير المالية عبر أورنيك 15 الإلكتروني.
الشعب اكتشفها زمااااان ... لأنه ببساطة دفعها من دم قلبه.
رجوعاً إلى نفيرٍ سلف:
الشعب اكتشفها زمااااان ... لأنه ببساطة دفعها من دم قلبه.
رجوعاً إلى نفيرٍ سلف:
إنتو العِـندَكم سيتوها .. قولوا فـَـشَـلنا
فوق راس اليتامى يعـوس حَـلـَق فاشِـلنا
بعـد بحــبوحه جا الباقـِـصنا والفــشَّلنا
يعـرض فينا من بعـد البقيصه .. (نـَشـَلنا)
***
3 أكتوبر
جـِد لي أُمُّـو يا دوب الشهيد عـِـرفوهو
بعد السابعة تور الوالي جا وسَـمُّـوهو
سـمُّوهو الشهيد توب الشهادة كـَسُـوهو
هم نكروا السماية الحقـَّت امُّو وابوهو
**
الزول قال براو: (نحن السبب في الغمة)
(بعنا أراضي في مجرى السيول يا أمة)
سفسيف المقاول في الظلط ينشما
والقول باستقالتك، حقو كان ينتما
***
نفير
القدال .. مرباع اليوم
-----------
قَـبَضوا
وفَـكُّوا ونَهَبوا سنينَّا، سنينهم عَرَجَتْ
وسَجَنوا
وسَحَلوا وحَلَجوا عُمُرنا سجونهم حَلَجَتْ
وكلما
طـَبَزوا تلاقي شموس أيام هَبَّاتنا انبَلَجَتْ
كم نمله
الدَخَلَتْ؟؟ دَخَلَـتْ واخَدَتْ حَبَّه وخَرَجَتْ.
----------
بحري –
أيام العِـزْ الما لَزْ.
***إيدَك خضره شاحد الله اليَخَضِّر عُمرَك
باكر تنفلت يمشي الرَسَنْ بى أمرَك
وأرضَك راجي لا يعود الطمَرْها يطمرَك
شن باقيلنا بس غير (النَـفَس يتجمرَك)
***
ديلا (بياكلوا) في المعفون يكتِّروا ضوقو
وديلا يعوِّجوا المعدول وسالم روقو
ديلا بيحبسو الـحُـر المفكفك طوقو
وديلا بيكتلوا المكتول .. يجَـعِّروا فوقو
***
